நம்ப பேச்சை நம்ப காலே கேட்காத போது வேறு யாரு கேட்கப்போறாங்க
என்னாச்சு சுண்டெலிக்கு வடிவேல்,செந்தில்,சிங்கமுத்து போன்றோரின் எழச்சி மிக்க தேர்தல் பிரசாரத்தைக்கேட்டதால் இந்த மாதிரி எல்லாம் தானே வருதா ன்னு சந்தேகப்படாதீங்க
இதை செய்து பாருங்க நீங்களும் என்னை மாதிரி புலம்ப ஆரம்பிச்சிடுவிங்க
இப்ப நாற்காலியில் தானே உட்கார்ந்து இருக்கீங்க தரையிலே உட்கார்ந்து மடி கணணியை என்னை மாதிரி சோபாவில் சாய்ந்துக்கொண்டு காலை நீட்டிக்கொண்டு பார்ப்பவர்களோ அல்லது படுக்கையில் சாய்ந்துக்கொண்டு கை கணணி யை பார்த்துக்கொண்டு இருப்பவர்கள் பின்பு இதை செய்து பார்த்துக்கொண்டு உங்களை நீங்களே நொந்து கொள்ளலாம்.
முதலில் நாற்க்காலியில் அல்லது சோபாவில் உட்கார்ந்தபடியே
வலது காலை ஒரு அடி தூக்குங்கள் இடது கால் தரையிலேயே இருக்கட்டும்
பின்பு வலது பாதத்தை கடிகார சுற்றில் சுற்றவும்..ஒரு ஐந்து அல்லது ஆறு சுற்று சுற்றவும்
அதே சமயம் உங்கள் வலது கையால் ஆறு நம்பரை 6 என்று காற்றில் எழதவும்
இப்ப பாருங்க உங்க கால் உங்க பேச்சை இப்ப கேட்காது.எதிர்ப்பக்கமாக சுற்றும்.
ஒரு முக்கிய நிபந்தனை
யாரும் வீட்டில் இல்லாத போது இதை செய்து பார்க்கவும் .
இல்லாவிட்டால் ஒரு நல்ல குடும்பத்தில் குழப்பத்தை உண்டாக்கிய பாபம் எனக்கு வந்துவிடப்போகிறது.
=========================================================================
எல்லோரும் என்னை உபயோகமாகவே எழுதலை என்று கூறியதால் கல்லூரியில் படிக்கும் நம் எதிர்கால சந்ததிகளுக்காக
இந்த பதிவு
கல்லூரி பாடத்தில் எப்படி அசைன்மென்ட் எழுதுவது (மறுநாள் தான் சமர்ப்பித்தல் கடைசி நாள் என்ற சூழ்நிலை) என்பதை இப்பொழது விளக்குகின்றேன்
இரவு 8 மணிக்கு மேல்
1.முதலில் நேராக நல்ல வசதியான நாற்காலியில் உட்காரவும்
2.பின்பு MSN ,ICQ gmail முதலிய இணைப்புக்கு சென்று உங்கள் email ஐ பார்க்கவும்
3. உங்கள் assignment ஐ மிகவும் கவனமாக படித்து புரிந்து கொள்ளவும்
4.கொஞ்சம் காலாற நடந்து அருகில் இருக்கும் கடையில் சாக்லெட் வாங்கி சாப்பிடவும்(டார்க் சாக்லெட் ஞாபக சக்தியை வளர்க்குமாம்)
5.மீண்டும் இமெயிலை பார்க்கவும்
6.கைப்பேசியில் உங்கள் நண்பரைக்கூப்பிட்டு காப்பி சாப்பிட போகாலாமா என்று கேட்கவும்
6.மறுபடியும் அறைக்கு வந்தவுடன் நேராக நாற்காலியில் உட்காரவும் போதுமான வெளிச்சம் இருக்க வேண்டும்
7.மீண்டும் உங்கள் assignment ஐ மிகவும் கவனமாக படித்து புரிந்து கொள்ளவும்
8.நீங்கள் 4 ம் வகுப்பில் படித்த நண்பருக்கு இன்னும் இமெயில் அனுப்பவில்லை என்று ஞாபகத்துக்கு வந்தால் உடனே எழுதவும்
9.பாத்ரூமுக்கு போய் கண்ணாடியில் உங்கள் பற்களை உற்று பார்தது ஏதாவது சொத்தை பல் இருக்கின்றதா என்று ஆராயவும்.
9 ரூமுக்கு வந்தவுடன் MP3 பாட்டுக்களை internet ல் தேர்ந்து எடுக்கவும்
10.அதை பதிவிரக்கம் செய்யவும்
11.மறுபடியும் இமெயிலை பார்க்கவும்.
12 உங்கள் கம்யூட்டரில் MSN chat மூலம் உங்கள் நண்பர்களிடம் உங்கள் எதிர்காலத்தைப்பற்றி திட்டமிடவும்(வேறு என்ன கோடை விடுமுறை பயணத்திட்டம் தான்)
13.புதிதாக download செய்த mp3 பாட்டுக்களைக் கேட்கவும்.
14.உங்கள் பெண் நண்பி ஒருவருக்கு போன் பண்ணி அவர் எழுதிவிட்டாரா என்று கேட்கவும்.அந்த பாட பேராசிரியர் ,பாடத்திட்டம்,கல்லூரி,மற்றும் உலக அளவில் மாணவருக்கு எதிராக நடக்கும் பாடசுமை இவைகளைப்பற்றி உங்கள் மனக்குறைகளை கொட்டித்தீர்க்கவும்
15.பின்பு தெரு முனை பெட்டிக்கடையில் சூயிம்கம் மற்றும் அன்றைய தினசரியையும் வாங்கவும்.
16.தினசரியில் முக்கியமான நிகழ்ச்சிகளை படிக்கவும்(அதான் TV நிகழ்ச்சி நிரல் தாங்க)
17.bored.com வெப்சைட்க்கு போய் உங்களுக்கு பிடித்த விளையாட்டை தேர்வு செய்யவும்
18.கைகளை கழுவவும்
19.போன ஆண்டு கல்லூரி மலரை எடுத்து நண்பர்கள் புகைப்படங்களைப்பார்க்கவும்.தெரியாத நண்பர்களை உங்கள் நினைவுக்கு கொண்டு வரவும்
20.இப்போது கம்யூட்டரை reboot பண்ண வேண்டி இருக்கும்.
21.Assignment ஐ மறுபடியும் படிக்கவும்
22.நாற்காலியை ஜன்னல் ஒரம் நகர்த்திக்கொண்டு சூரியோதத்தை ரசிக்கவும்
23 தரையில் படுத்துக்கொண்டு உரக்க கொட்டாவி விடவும்
24.மன அழுத்தத்தை தீர்க்க எந்த பொருளையாவது உடைக்கவும்
25. மறுபடியும் இமெயிலை பார்க்கவும்
24. மணி இப்பொழது காலை 6 மணி. மீதம் இருக்கும் 30 நிமிடத்தில் assignment ஐ அவசர அவசரமாக எழுதவும்
25.எல்லோரிடமும் இரவு முழுவதும் தூங்காமல் எப்படி கடினமாக உழைத்தீர்கள் என சொல்லி புலம்பவும்..
